ИМ тобуна кошулууга аракет кылган студенттин «психикалык саламаттыгы жакшы» деп табылды

Сербский атындагы институттун адистери Москва Мамлекеттик университетинин студенти Александра Иванованын (Варвара Караулова) психикалык саламаттыгы жакшы деген чечимге келишти. Соттук-психикалык экспертизанын корутундусунда 2015-жылдын июнунан бери Иванованын ден соолугунда кыска мөөнөттөгү депрессия байкалганы белгиленген.

Эксперттик комиссиянын билдирүүсү боюнча студент кыз институттун ооруканасында жатканда кызматкерлерге жардам берип, текшерүүлөргө катышууга аракет кылган. Ага өткөн жылы коюлган дарт аныкталган эмес.

Студент кыз 2015-жылдын 27-майында Москвада жоголуп кеткен. Ошол эле жылдын июнунда Түркия-Сирия чек арасында 13 орусиялык кармалып, арасында Караулованын да бар экени белгилүү болгон. Алар Сирияга «Ислам мамлекети» террордук тобуна кошулуу үчүн баратышканы кабарланган. Караулова Москвага кайтып, атын жана фамилиясын өзгөрткөн. Ага террордук уюмдун ишмердүүлүгүнө катышууга аракеттенген деген айып тагылган.

Сурактын жүрүшүндө студент күнөөсүн моюнуна алган. Кыздын ата-энеси ал исламчыл азгырыкчыны сүйүп калып ушундай кадамга барган деп эсептешүүдө.

Булак:  “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *