Kyrgyztoday
Kyrgyztoday » Жаңылыктар » Италияда Аблязовдун жубайын мыйзамсыз депортациялоо иши боюнча сот өкүмү чыкты
Дүйнө жүзүндө

Италияда Аблязовдун жубайын мыйзамсыз депортациялоо иши боюнча сот өкүмү чыкты

Италиянын Перуджа калаасынын соту казакстандык мурдагы банкир, оппозициячыл саясатчы Мухтар Аблязовдун жубайы Алма Шалабаеваны жана алардын кенже кызын 2013-жылы Италиядан Казакстанга депортациялоого катышы бар делген италиялык аткаминерлерге өкүм чыгарды.

Италиялык La Repubblica гезитинин кабарашынча, сот Италия мамлекеттик полициясынын борбордук ыкчам кызматынын башчысы Ренато Кортезе менен Рим миграция кызматынын мурдагы башчысы Маурицио Импортаны беш жылга эркинен ажыратып, алардын мамлекеттик кызматта жумуш иштөөсүнө тыюу салды. Ыкчам кызматтын мурдагы кызматкери Франческо Стампаккья менен уюшкан кылмыштуулук менен күрөшүү бөлүмүнүн мурдагы башчысы Люке Армениге да ушундай эле өкүм чыкты. Миграция кызматынын дагы эки кызматкери төрт жарым жылга, тынчтык соту эки жарым жылга соттолду.

Аблязованын жубайы Алма Шалабаева кичинекей кызы менен 2013-жылы 31-майда Италиядан депортацияланган. Анын алдында Италия полициясы Мухтар Аблязовду кармоо үчүн түнчүндө атайын операция уюштурган. Саясатчы өлкөдөн чыгып кетүүгө үлгүргөн. Полиция анын аялын жана кызын кармап, тынчтык сотунун токтому менен Казакстанга депортациялаган. Мындан улам Италияда саясий жаңжал чыгып, эне бала мыйзамсыз өлкөдөн чыгарылганы айтылган. Италия ИИМи Шалабаеаны депортациялоо жөнүндөгү чечимин жокко чыгарган. Жарым жылдан кийин Шалабаева Казакстандан чыгууга уруксат алган. Кийинчерээк Италия бийлиги Аблязов менен анын аялына качкын макамын берген.

БТА банк башкармалыгынын мурдагы төрагасы, Казакстандын мурдагы энергетика, өнөр жай жана соода министри, «Казакстандын демократиялык тандоосу» оппозициялык кыймылын негиздөөчү Мухтар Аблязов 2009-жылы саясий башпаанек алып Улуу Британияга качып кеткен. 2018-жылы Казакстандын Тараз шаардык соту 2004-жылы «Туран Алем» банкынын башкы менежери Ержан Татишевди өлтүрүүнү уюштурган деп таап, экс-банкир Аблязовду өмүр бою сыртынан кескен. Ошондой эле Аблязов «Мамлекеттик мүлктү ээлеп алуу», «Кызмат абалынан кыянаттык менен пайдалануу» жана «Кылмыштуу топту уюштуруу» беренелери боюнча күнөөлүү деп табылып, сот аны 20 жылга эркинен ажыраткан. Аблязов бардык айыптарды четке кагып, өзүн саясий куугунтуктун курмандыгы деп эсептейт.

Булак: “Борбор Азия жаңылыктар кызматы”

Кредитке белчесинен чын эле батты бекен?

Бактыгүл Жумабаева, Апрель Баатыры: “Президенттикке Келдибековду колдойлу десек Бекназаров “Келдибековду Акаев сыяктуу аялы башкарат” деп каршы чыгып жатат”

Чыныбай чын эле президент болгусу келеби?