Камчыбек Ташиев: “Чыккынчыларды, саткындарды жана саясий сойкуларды Баткенге жибербегиле!”

Жогорку Кеңештин экс-депутаты Камчыбек Ташиев кыргыз-тажик чек арасындагы кырдаал тууралуу социалдык баракчасына жазып чыкты. Ал өз билдирүүсүндө элге сабырдуулук тилеп, ал жакка чыккынчыларды, саткындарды, коркокторду жана саясий сойкуларды жибербеш керектигин жазган. 

“Урматтуу эл журтум! Кечээги Баткен жергесинде болгон чек ара жаңжалы ар бир кыргызстандыктын тынчтыгын бузду, мен болсо алыс чет жакта болуп калдым, жүрөгүмдү тилип кетти.

Баарыбызга сабырдуулук керек, биз мамлекети, президент жана бийлик ээлери бар элбиз. Мамлекетти, элди жерди сактоо, коргоо ошолордун түздөн-түз милдети. Ошондуктан биз аларга ишенүүгө мажбурбуз, а эгерде чече алышпаса, анда башка сөз, иш болот.

Бирок чыккынчыларды, саткындарды, коркокторду жана саясий сойкуларды ал жакка жибербегиле!

Мен өзүм жеке элимдин тынчтыгы, бүтүндүгү жана коопсуздугу үчүн ар дайым, кандай кырдаал болсо да баарына даярмын!

Чек арабызды коргоп каза болгон жоокерибиздин арты кайрылуу болсун, апасына, жакындарына көңүл айтамын.

Эл журтума сабырдуулук тилеймин!” – деп жазган Камчыбек Ташиев.

Урматтуу эл журтум! Кечээги Баткен жергесинде болгон чек ара жанжалы ар бир кыргызстандыктын тынчтыгын бузду, мен…

Опубликовано Камчыбек Ташиев Вторник, 17 сентября 2019 г.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *