Kyrgyztoday
Kyrgyztoday » Жаңылыктар » Казак провайдерлери: Кыргызстандагы интернет Орусиядагы баалардан улам жогорулады
Борбордук Азияда КООМ

Казак провайдерлери: Кыргызстандагы интернет Орусиядагы баалардан улам жогорулады

Кыргызстандагы интернетке болгон тарифтин көтөрүлүшү Орусиядагы баалардын кымбаттоосунан келип чыкты. Мындай маалыматты казакстандык интернет провайдерлер кыргызстандык кесиптештери менен сүйлөшүү учурунда билдиришкен.

Бул тууралуу Кыргызстандагы байланыш операторлору ассоциациясынын жетекчиси Нурбек Абасканов “Азаттыкка” билдирди. Анын айтуусунда, учурда Орусиянын антимонополия кызматына кайрылуу жолдонду.

Абаскановдун айтымында, 21-сентябрда Астанада Кыргызстан менен Казакстандын монополияга каршы күрөшүү кызматтары жолугуп, он күндүн ичинде казакстандык провайдерлер интернет баасын төмөндөтүү боюнча келишимге жетишкен. “Бирок азырынча казактар тараптан эч кандай кадам таштала элек”, – дейт Абасканов.

Кыргызстандын антимонополия кызматы эки тараптуу жолугушуудан соң, казак тарап интернеттин баасын жана ылдамдыгын мурунку калыбына келтирүүгө макул болгонун маалымдаган.

Казакстандык провайдерлер 10-сентябрдан тарта Кыргызстанга берилүүчү интернеттин баасы кымбаттарын кабарлашкан.

Булак:  “Борбор Азия жаңылыктар кызматы”

Ѳспүрүм бүтүрүүчүлѳрүбүз үчүн «акыркы конгуроо»-жашоосунун акыркы күнү болүп калбашы керек!

Япониянын Кыргызстандагы элчиси Ёсихиро Ямамура Жалал-Абадда медициналык жабдуулардын гранттык сертификатын тапшырды

Япониядагы круиздик лайнердеги карантин аяктады