Казакстан адвокаттардын санын көбөйтүү ниетинде

Казакстандын Юстиция министрлиги адвокаттык коллегияга кирүү үчүн төлөнчү мүчөлүк акы өлчөмүн кыскартуу маселесин кароодо. Бул тууралуу мекеме башчысы Марат Бекетаев билдирди.

Министрликтен билдиришкендей, Казакстанда бир адвокатка 3900гө жакын жаран туура келет. «Бүгүнкү күндө өлкөдө адвокаттардын жетишсиздиги актуалдуу. Алардын учурдагы саны жарандардын толук юридикалык жардам алуусу үчүн жетишсиз», – деди Бекетаев Астана парламентинин мажлисинде сүйлөп жатып.

Анын айтымында, учурдагы жол-жоболорго ылайык, адвокат болууну каалаган жарандар юридикалык билим алгандан кийин адвокаттар коллегиясында алты айдан бир жылга чейин акылуу тажрыйба топтоо окутууларына барып, аттестациядан өтүшү жана адвокаттар коллегиясына мүчө болуп кириши керек. «Талапкер адвокат макамын алуу үчүн бир канча оор жол-жоболордон өтүп, болжол менен миллион тенге акча төлөшү зарыл болууда», – деди министр.

Анын айтымында, Юстиция министрлиги адвокаттардын республикалык коллегиясы менен биргеликте алгачкы мүчөлүк акы өлчөмүн 100 бир айлык эсептик көрсөткүчкө (226 900 тенге), тажрыйба топтоо үчүн алынчу төлөмдү беш бир айлык эсептик көрсөткүчкө чейин (11 миң тенгеге жакын) азайтуу маселесин кароодо. Бекетаев мындай чаралар юридикалык жардамдын сапатын арттырууга жана аны жарандар үчүн жеткиликтүүрөөк кылууга багытталганын билдирди.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *