Казакстан журналисттер бирикмесинин төрагасы жана уулу соттолду

Астана шаардык соту Казакстандын Журналисттер бирикмесинин төрагасы Сейтказы Матаевди салыктан качуу жана мамлекеттик каржыны кымырып алуу боюнча күнөөлүү деп таап, 3-октябрдагы өкүмү менен алты жылга эркинен ажыратты. Анын уулу, КазТагдын директору Асет Матаев беш жылга кесилди. Алар коюлган айыптарды четке кагууда.

Сейтказы Матаев соттук жараянды “спектакль” жана “фарс” деп атады. Ал уулунун кайраттуулугуна жана жактоочулардын колдоосуна ыраазычылык билдирди.

– Мага жана уулума боор оорунун кереги жок. Биз өзүбүздү күнөөсүз деп эсептейбиз. Башкача ой жүгүрткөндөр Казакстанда болушу керек, антпесе демократия өкүм сүрбөйт. Мен өзүмдү оппозиционер деп санаган эмесмин, санабайм дагы. Кандай гана жагдай болбосун мен адилеттүүлүктү жактайм, –деди Матаев.

Укук коргоочулар Сейтказы Матаев Журналисттер бирикмесинин төрагасы катары ишмердүүлүгү үчүн соттолуп жатканын билдирүүдө. 61 жаштагы Матаевдин ден-соолугуна байланыштуу соттук жараяндар бир нече жолу кийинкиге которулуп келген эле.

Булак:  “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *