Казакстанда 2018-жыл Өзбекстан жылы деп жарыяланды

Бул тууралуу Өзбекстан менен Казакстан президенттеринин Ташкенттеги биргелешкен маалымат жыйыны маалында айтылды. 16-сентябрда казак лидери Нурсултан Назарбаев мамлекеттик сапары менен Ташкентке барган.

Маалымат жыйындын жүрүшүндө, тараптар эки өлкө ортосундагы мамиленин жаңы этабы башталганын, бардык стратегиялык маселелерде бир пикирде экенин көрсөтүшкөнүн белгилешти.

– Биздин маданий-гуманитардык байланыштар эки өлкө ортосундагы достук мамиленин маанилүү фактору. Биз 2018-жылы Казакстанда Өзбекстан жылын өткөрүүнү макулдаштык. Казакстан жылын Өзбекстанда өткөрүү да күн тартибинде. Мунун алкагында биздин бир тууган элдердин биримдигинин бекемделишине шарт түзгөн түрдүү иш-чаралар өтөт, – деди Назарбаев.

Жергиликтүү маалымат каражаттары Өзбекстандагы Казакстан жылы 2019-жылы өтө турганын кабарлашууда.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *