Казакстанда эмгек келишимин түзбөй иштеп жүргөн 1,4 миллион жаран бар

Казакстанда 320 миң расмий каттоого турбаган жумушсуз адам жана эмгек келишимин түзбөй иштеп жүргөн 1,4 миллион жаран бар. Бул тууралуу бүгүн казак парламентиндеги өкмөттүк саатта өлкөнүн эмгек жана социалдык коргоо министри Тамара Дуйсенова билдирди.

«Быйылкы текшерүүнүн жыйынтыгында жумушу бар, бирок пенсия төгүмүн бербей жүргөн миңге жакын адам аныкталды. Андан тышкары 320 жумушсуз адам расмий каттоодон өткөн эмес болсо, 1,4 миллиону жумушчу берүүчү менен эмгек келишимин түзбөй иштеп жүрүшкөн», — деди Дуйсенова. Анын айтымында, өлкөдө эмгек келишимин түзгөндөрдүн саны өсүп жатканы менен бийликти мыйзамсыз иштеп жүргөн адамдардын дале көп экени кабатыр кылып келет.

«Акыркы эки жылда инспекторлор тарабынан эмгек келишимин түзбөстөн жумушчуларды иштеткен миңден ашык жумуш берүүчү аныкталган. Көбүнчө мындай учурларга курулуш, соода, коомдук тамактануу,айыл чарба жана кичи бизнес тармактарында эмгектенген төмөнкү квалификациядагы жумушчулар кабылышат», — деди Дуйсенова.

Ал учурда өкмөт жумушу бар жарандарды «формализациялоо» боюнча чараларды камтыган пландын үстүнөн иштеп жатканын кошумчалады.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *