Казакстанда терроризм үчүн жарандыктан ажыратуу мыйзам долбоору биринчи окууда өттү

Казакстан парламентинин мажилиси кошумча кылмыш жазасы иретинде жарандыктан ажыратууну караган мыйзам долбоорун биринчи окууда жактырды.

Казакстандын юстиция министри Марат Бекетаевдин айтымында, долбоор мыйзамдарды Конституцияга шайкеш келтирүү зарылдыгынан улам иштелип чыкканын түшүндүрдү.

Мамлекеттин кызыкчылыгына зыян келтиргендерди кылмыш жоопкерчилигине тартууну Юстиция министрлиги сунуштаган. Кылмыш кодексинин 21-беренесинде кошумча жаза катары күнөөлүүлөрдү жарандыктан ажыратуу каралган. Террордук кылмыштарды жасоо, террордук топ түзүү жана ага башчылык кылуу, Казакстан президентинин өмүрүнө кол салуу, адамды барымтага алуу, геноцид, жикчилдик жана мамлекетке кыянат кылуу үчүн жарандыктан ажыратуу сунушталууда.

Министр мыйзам долбоорунун саясатка тиешеси жок экенин жана саясий куралга айланбай турганын айтты.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *