Кегетиде атасы менен урушкан 20 жаштагы жигит бычак менен өзүнүн кекиртегин кесип салган

Ысык-Ата районунун Кегети айылында 20 жаштагы жигит атасы менен урушуп, өзүнүн кекиртегин кесип салды. Бул тууралуу маалыматты журналисттерге Чүй ОИИБнен кабарлашты.

Маалыматтар боюнча, 12-сентябрда саат 21:27де милициянын нөөмөт бөлүмүнө Чүй облусутук ооруканадан билдирүү келип түшкөн. Билдирүүдө ооруканага денесинен оор жаракат алган Кегети айылынын 20 жаштагы А.Э. аттуу тургуну кайрылганы айтылган.

Такталгандай, А.Э. атасы менен урушуп кетип, ашкана бычагы менен кекиртегин кесип салган. Учурда өз өмүрүнө кол салган жигит облустук ооруканада дарыланууда.

“Тиешелүү соттук-медициналык экспертизалар дайындалды. Учурда окуянын бардык жагдайлары иликтенип жатат” – деп айтылат маалыматта.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *