Фото – КККнын лидерлеринин бири Төрөбай Колубаев эми “Элдик парламенттин” лидери болду

Кыргыз саясат айдыңында Төрөбай Колубаев деген жигит бар, жердиги Талас.
2011-жылы президенттик шайлоодо президентикке өзүнүн талапкердигин коюп, Алмаз Атамбаев менен КТРКда түз эфирде дебатка чыгып: “Сиз президентикке жарабайсыз!” деп шаштысын кетирген. Атамбаев аны сөзгө жыгам деп “анда президенттикке ким жарайт?” десе “президенттикке жараса бир генерал Өмүрбек Суваналиев жарайт!” деп осол кылган.
2013-жылы Төрөбай Колубаев Каршылык Көрсөтүү Кыймылына кошулуп, “Алмаз Атамбаев бийликтин баардык бутактарын мыйзамсыз узурпациялап алды! Алмаз Атамбаевди 2010-жылдагы Ош окуялары боюнча Гаага соту күтөт” деп жар салып, Атамбаевди уятка чакырып жүргөн.
2016-жылы Төрөбай Колубаев “Элдик парламент” бирикмесинин лидерлеринин бири катары “Алмаз Атамбаев бийликти узурпациялап алды! Алмаз Атамбаевди өзбек сеператисттери менен кошо Гаагадагы Эл аралык кылмыш сотуна берип, кылмыш жоопкерчилигине тартуу боюнча кайрылабыз! 12-майда Атамбаев отставкага кетип, Кыргызстанда Элдик парламент бийликке келет!” деген ураандар менен жүрөт.
Ал эми “Элдик парламент” бирикмесинин лидерлери Бекболот Талгарбеков баш болуп, кийинки президенттикке “Элдик парламенттин” атынан Төрөбай Колубаевдин талапкердигин көрсөтөбүз” деп билдиришүүдө.
“Элдик парламенттин” составында экс-премьер-министр, азыркы “Бир болчу” депутат Кубанычбек Жумалиев, экс-спикер, азыркы КР Улуттук илимдер Академиясынын президенти Абдыганы Эркебаев, экс-вице-премьер Бекболот Талгарбеков, экс-губернатор, азыркы “Бир болчу” А.Бакиров, экс-губернатор, азыркы “Республика-атажуртчу” Болоткан Кумаров, Бишкектин сотунун экс-төрагасы, азыркы “Өнүгүүчү” Марат Султанов жана башка ондогон тыңчыкмалар бар.
ККК-Талас Кож,Сув, Нар,Колубаев
ККК -  Суваналиев Наргозуев Колубаев
ККК - Кожоналиев Суваналиев Наргозуев Колубаев 3
ККК - Кожоналиев Суваналиев Наргозуев Колубаев сүйлөп
ККК - Суваналиев Наргозуев Колубаев
ККК - Наргозуев Суваналиев Кожоналиев Колубаев Өтмөк 2013
Элдик парламент гимн
Элдик парламент2
Булак:Кyrgyztoday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *