Кубат Оторбаев: “”Чимкириктер” деп аталган парламент Конституциянын долбоорун чакыртып алышы керек”

“Чимкириктер” деп аталган парламент жаңы Конституциянын долбоорун чакыртып алышы керек. Мындай пикирин бүгүн, 20-ноябрда коомдук ишмер Кубат Оторбаев “Биринчи радионун” эфиринде билдирди.

Анын айтымында, жаңы Конституциянын долбоору таң калтырат.

«Бүгүн гана Конституциялык кеңешме түзүлдү. Жыйын бүгүн гана өттү. Бардык процедуралар бузулуп жатат», – деди Оторбаев.

Юрист Нурлан Мамытов конституциялык реформанын зарылдыгы жөнүндө айтты.

Анын айтымында, жаңы долбоор башкаруу системасы кандай болушу керек, шайлоо системасы кандай болушу керек, эл мамлекеттик бийликти кантип көзөмөлдөйт деген суроолорго жооп бериши керек.

Белгилей кетсек, бүгүн, 20-ноябрда Бишкекте Баш мыйзамдын долбоору боюнча түзүлгөн Конституциялык кеңешменин алгачкы жыйыны өттү. Ага кеңешмеге мүчө болгон 89 киши катышууда. Юридика илимдеринин доктору Бекбосун Бөрүбашев аталган кеңешмеге төрагалык кылууда.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *