Kyrgyztoday
Kyrgyztoday » Жаңылыктар » «Кыргызстан» фракциясы Канат Исаевдин талапкерлигин парламенттин спикерлигине көрсөттү
Кызмат-мансап Саясат

“Кыргызстан” фракциясы Канат Исаевдин талапкерлигин парламенттин спикерлигине көрсөттү

Бүгүн, 13-октябрда  “Ала-Арча” мамлекеттик резиденциясында Жогорку Кеңештин депутаттарынын жыйыны өтүп жатат. Эл өкүлдөрү спикерди шайлоо маселесин күн тартибине киргизишти.

Депутаттар эсептөө комиссиясынын курамын бекитип, вице-спикер Аида Касымалиева фракцияларга ЖК спикеринин кызмат ордуна талапкерлерди жазуу жүзүндө сунуштоону сунуштады.

“Кыргызстан” фракциясы Канат Исаевди ЖКнын төрагалыгына сунуштады. Нурбек Алимбековдун айтымында, фракциянын чечими бар.

Депутат Садык Шер-Нияз бүгүн бардык партиялар өз талапкерлерин көрсөтүшү керектигин кошумчалады. Ошондой эле, “Ата Мекен” партиясы Канат Исаевдин талапкерлигин өлкөнүн кызыкчылыгы үчүн колдой турганын билдирди. Муну менен катар “Республика – Ата-Журт” партиясынан депутат Марлен Маматалиев анын фракциясы да Канат исаевдин талапкерлигин колой турганын билдирди.

Вице-спикер Мирлан Бакиров да “Мен жеке Канат Кедейкановичти колдойм” деди.

Депутат Иса Өмүркулов да Канат Исаевдин талапкерлигин колдоону үндөдү.
Менин оюмча, ар бир депутаттын спикер болууга мүмкүнчүлүгү, тажрыйбасы жана билими бар, бирок бүгүнкү күндө бардыгыбыз бирдиктүү болуп, эл үчүн, өлкө үчүн, туруктуулук үчүн болушунча эртерээк, ушул кырдаалдан чыгуу үчүн, баарыбыз бир добуш менен добуш беришибиз керек деп ойлойм. Мен Канат Кедейкановичке добуш берүүгө үндөйт элем” – деди депутат.

Япония Тажикстанга көзөмөл өткөрүү пунктун куруп берди

Япония орус жарандары үчүн визасыз режим киргизет

Япон агенттиги Талас-Тараз автожолундагы Үйүрмарал суусунан өткөн көпүрөнү курууга гранттык каражат бөлөт