Кыргызстан санариптик телеберүүгө быйыл 15-майда толугу менен өтөт

Кыргызстан санариптик телерадиоберүүгө толугу менен 2017-жылы 15-майда өтөт. Бул тууралуу маданият, маалымат жана туризм министринин орун басары Айнура Темирбекова билдирди.

Анын айтымында, санариптик телерадиокөрсөтүү сигналы өлкө калкынын 95 пайызына жеткиликтүү болду. Жаздан кийин бардык аймактын тургундары социалдык пакетке кирген 12 телеканалды көрүү мүмкүнчүлүгүн алат.

Мамлекеттик маалымат технологиялары жана байланыш комитетинин башчысы Бакыт Шаршембиев тоолуу аймактарды санариптик ТВга кошуу максатында жергиликтүү бийликтин жардамы менен автоматтык телеретрансляторлор орнотулуп жатканын кабарлады.

Санариптик көрсөтүүгө өтүү үчүн өкмөт жалпысынан 100 миллион сом бөлгөн. Каражат жабдууларды сатып алуу жана телеконтент даярдоого жумшалууда.

2016-жылдын июль айынан бери өлкө акырындап санариптик телерадиоберүүгө өтө баштаган.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *