Кыргызстан саякаттоо үчүн мыкты 12 өлкөнүн катарына кирди

Британиялык The Independent гезити саякатчылар сөзсүз барышы керек болгон 12 өлкөнүн катарына Кыргызстанды да кошту. Басылманын аталган рейтингин белгилүү саякатчы Гуннар Гарфорс түзгөн. Ал 40 жашында эле дүйнөнүн бардык өлкөлөрүн кыдырып чыккан.

Гарфорс кайсы бир өлкөнү мыкты деп өзгөчө бөлүп айта албайт. Бирок, бардык адамдар кыдырып чыга турчу 12 мамлекет бар деп эсептейт.

Саякатчы Кыргызстандын жаратылышынын кооздугун, колориттүү базарлары жана меймандос калкы бар экенин белгилеген. Мындан тышкары ал Кыргызстандын суусу сонун болгондуктан, стакан ала жүрүүнү сунуштаган

Башка бир британиялык The Telegraph гезити да 2015-жылы саякатчылар үчүн барууга ыңгайлуу 12 өлкөнүн катарына Кыргызстанды кошкон болчу.

Булак:  “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *