Кыргызстандын Россиядагы элчилиги экс-элчи Раимкул Аттокуровдун билдирүүсүнө комментарий берди

Кыргызстандын Россиядагы элчилиги экс-элчи Раимкул Аттокуровдун Кыргызстандын Россиянын курамына кирүү мүмкүндүгү тууралуу айткандарына комментарий берди.
Экс-элчи Раимкул Аттокуровдун билдирүүсү боюнча Россиянын аймагында жүргөн кыргыз жарандарынын кайрылуусуна байланыштуу, Кыргызстандын Россия Федерациясындагы элчилиги мындай пикирди билдирүүгө эч кандай олуттуу негиз жок экендигин билдирет.
“Раимкул Аттокуров Россиянын жараны экендигин жана жеке адам катары жеке пикирин билдиргенин баса белгилейбиз. Кыргызстандын жетекчилиги биздин мамлекеттин эгемендүүлүгүн, аймактык бүтүндүгүн коргоодо жана улуттук кызыкчылыктарды сактоодо бекем багытты жүргүзүп жаткандыгын баса белгилейбиз” – деп айтылат маалыматта.

Элчилик коомчулукту, диаспоралык уюмдардын жетекчилерин мамлекеттик кызыкчылыктарга зыян келтириши мүмкүн болгон чагымчыл мүнөздөгү ачык билдирүүлөрдөн алыс болууга чакырат.

Социалдык тармактарда Кыргызстандын Россиядагы экс-элчиси Раимкул Аттокуровдун Правда.ру басылмасына берген интервьюсундагы “Кыргызстанда Россиянын курамына кирүү маселеси каралып жатат” деген билдирүүсү катуу талкуу жаратып жатат.

Раимкул Аттокуров өзүнүн билдирүүсү боюнча журналисттерге комментарий берип жатып, ал өзүнүн эмес, коомчулуктун оюн айткандыгын белгилеген.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *