Кытайга мыйзамсыз сурма саткан ишканага кылмыш иши козголду

Кытайга мыйзамсыз сурма саткан ишканага кылмыш иши козголду. Бул тууралуу кыргыз өкмөтүнө караштуу Экономикалык кылмыштарга каршы күрөш кызматынан билдиришти.

Ага ылайык, аталган кызматтын Ош облусундагы Кара-Суу, Алай жана Чоң-Алай райондору боюнча бөлүмү “У.Т и К.” деп аталган фирма Кытайда жайгашкан “Б” аттуу ишканага 2017-жылдан быйыл июль айына чейин курамында сурма бар 1764 тонна тоо-тек жана кошулманы мыйзамсыз сатканын аныктаган.

Мындан 6 миллион сомдон ашык пайда көргөн, бирок салык документтеринде өтө аз суммадагы акча жазылган. Ошондой эле “тергеп-иликтөөдө бул фирма Алай районунда гана кен казууга уруксат алганы, түстүү металлды үчүнчү өлкөгө сатууга лицензиясы жок болгону ачыкка чыкты” деп айтылат маалыматта.

Кыргызстанда Жалал-Абад облусунун Чаткал районунда мыйзамсыз сурма казган фактылар бар. Мунун айынан жаңжал чыккан жана адам өлүмү менен коштолгон окуялар да орун алган.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *