Кытайлык окумуштуу адамдын ДНКсын өзгөрттү

Кытайлык окумуштуу Хэ Цзянькуй тарыхта биринчи жолу адамдын ДНКсын өзгөрткөнүн жарыялады.  Анын иликтөөсүнө жасалма уруктандыруу аркылуу балалуу болгусу келген жети түгөй катышкан. Илимпоз алардан алынган эмбриондорду өзгөртүүгө аракет жасаган. Бирок жыйынтыгында бир гана түгөйгө тийиштүү эмбрион өзгөртүлгөн.

Ошентип, быйыл ноябрь айында ДНКсы өзгөртүлгөн эгиз кыздар жарык дүйнөгө келген.

Атайын технологиянын жардамы менен өзгөртүлүп, CCR5 деп аталган ген кыздарды ВИЧ илдетинен коргойт. Окумуштуунун айтымында, иликтөөнүн максаты тукум кууган ооруларды айыктыруу же анын алдын алуу эмес, адамдын организминде  сейрек кездешкен СПИД сыяктуу илдеттер менен күрөшүү жөндөмдүүлүгүн пайда кылуу болуп саналат.

Тактап айтканда, ДНКсы өзгөртүлгөн эгиз кыздардын организминде ВИЧ илдетине каршы туруп, аны жеңип чыгууга жөндөмдүүлүк пайда болгон.

 

Кыргызчалаган: KyrgyzToday

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *