Кыздары менен неберелери Сирияда калган энелер «митингге чыгабыз» деп коркутуп киришти

Кыргызстандын Акыйкатчысы Токон Мамытовго Сирия менен Ирактын качкындар лагеринде калган кыздары менен неберелерине тынчсызданган энелер кайрылышкан. Алар Т.Мамытовдон президент жана премьер-министр менен жолуктурууну суранып жатышат. Жакынкы арада балдарын мекенине кайтаруу боюнча так жооп берилбесе, митингге чыгышарын айтышкан.

Эскерте кетсек, 2019-жылдын январында мекемелер аралык атайын жумушчу топ түзүлгөн. Ал эми качкындардын лагеринде жаткан мекендештерибизди кайтаруу үчүн ишти Кыргызстандын улуттук коопсуздук органы алып барып келет.

Атайын кызмат негизинен алардын террористтик ишмердүүлүккө тиешеси бар же жок экендигин аныктоо менен алек. Көпчүлүгүнүн кичинекей балдары бар. Мекенине кайтаруу үчүн ата-энелеринин макулдугу зарыл, бардык текшерүүлөр бүткөнчө, алар качкындар лагеринен чыга алышпайт. Эгерде терроричттик уюмга тиешелери болсо, ата-эне балдарына болгон укугунан ажырайт.

Белгилей кетсек, азыркы тапта Сирия менен Ирак Күрдүстанында кыргызстандык 400 жаш келиндер менен кичинекей балдар бар.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *