Латвияда “Россия” телеканалын көрсөтүүгө тыюу салынды

Латвиянын Электрондук ММКлар боюнча улуттук кеңеши (NEPLP) үч ай “РТР-Россия” телеканалын алып көрсөтүүгө тыюу салды. Орусиялык канал улут аралык жек көрүүчүлүктү козутууга айыпталууда.

NEPLP төрагасынын орун басары Иварс Аболиньш бул чечимди: “Латвия Кремлдин пропагандасына чыдабайт. Биз маалымат айдыңын коргоп келгенбиз жана коргой беребиз”, деп түшүндүрдү.

Мыйзам бузуулар “Вечер с Владимиром Соловьёвым” жана “60 минут” көрсөтүүлөрүндө аныкталган.

Мекемеге кайрылган эксперттер бул программалар Украина жарандарына карата жек көрүүчүлүк сезимдерди козутууда деп эсептешет.

2015-жылы Литва дагы “Рен ТВ Балтия” телеканалын үч айга көрсөтүүгө тыюу салган. Комиссия бул телеканалдын “Теория заблуждений” программасынан “согуш жана жек көрүүчүлүктү тутантуу белгилерин” тапканын ырастаган.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *