Майлуу-Сууда шайлоого карата массалык түрдө каттоого туруунун алдын алуу багытында иштер жүрүүдө

Бүгүн 19-февралда Майлуу-Суу ШИИБнин жетекчилиги тарабынан атайын жыйын уюштурулду. Бул тууралуу Жалал-Абад ОИИБнин басма сөз кызматы билдирди.

Иш-чарага аскер кызматкерлери, врачтар, мугалимдер, социалдык кызматкерлер катышышты. Жыйындын жүрүшүндө КРнын президентинин коопсуздук кеңешинде койгон талаптарын аткаруу, жаңы кодекстердеги коррупция боюнча маалыматтар берилди.

Ошондой эле жергиликтүү кеңештин шайлоосуна карата жарандардын шаар аймагына массалык түрдө каттоого туруусуна көзөмөл кылуу керектиги белгиленди.

Эске салсак 2020-жылдын 12-апрелинде Майлуу-Суу шаардык кеңешине шайлоо өтөт.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *