Маманов абакта эс алат

Алдамчылык, бирөөнүн мүлкүн тартып алуу сыяктуу кылмыш иштерине шектелип камалган Жогорку Кеңештин экс-депутаты Рустам Мамановдун СИЗОдо отурганына эки айдын жүзү болду. Тергөө иштери качан аягына чыгаары белгисиз. Бул кыңыр иштин тамыры тереңде экени, мындан улам тергөө создугуп жатканы айтылууда. Анткени бул иштин учугу барып президенттик аппараттын сот, укуктук иштерин тейлеген, коомчулуктагы нааразычылыктан улам ишинен бошотулган айтылуу Манас Арабаев менен экс-президенттин кеңешчиси Икрам Илмияновго такалаары кеп болуп жатат. Манас мырзанын иши иликтенип баштаганын эске алганда, кезек Икрамга да жетиши ыктымал. Демек, Рустам Маманов жакын арада эркиндикке чыгышы күмөн. Абактын жытын далай жыл искей турган өндөнүп калды…

Булак: “Фабула”

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *