Мбаппе “Реалга” келет?

Эл аралык «France Football» журналына шилтеме кылып «Газета. ru» басылмасы жакынкы мезгилдерде Франциянын «Пари-Сен-Жермен» (ПСЖ) клубунун чабуулчусу К. Мбаппе Испаниянын «Реал» клубуна которулаары туурасында маалымат таратты. Ааламдагы эң мыкты жаш футболчу аталган, футбол боюнча Дүйнөнүн чемпиону Килиан Мбаппенин «Реалга» тартуу аракети жакында эле «Реалга» машыктыруучу болуп кайтып келген Зинедин Зидандын да номур биринчи максаты экени айтылып жатат. Андыктан, бул жылдын аяктап бараткан турнирлери бүткөн соң чыны менен эле кийинки турнирде Мбаппени «Реалдан» көрүп калышыбыз толук мүмкүн.

Учурда талантnуу бул футболисти Испаниянын корольдук клубуна трансферлөө үчүн аталган клубдун ээси Флорентино Перес сүйлөшүүлөрдү жүргүзүүгө киришкенин спорттук маалымат булактары да жаза баштады. 20 жаштагы чабуулчу Мбаппени ПСЖдан «Реалга» сатып алууда 280 миллион евро сунушталганы да айтылып жатат.

Булак: «Айгай-пресс»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *