Мэрия жаңы автобус алуу үчүн тендер жарыялады

Бишкек шаарынын мэриясы шаарга газ менен жүрүүчү автобустарды сатып алуу үчүн тендер жарыялады. Бул тууралуу, “тегерек столдо” борбордук муниципалитеттин транспорт бөлүмүнүн башчысы Кубанычбек Жунусов маалымдады.
“Азыркы убакта шаар ичинде 100гө жакын автобус жүрүүдө, аларга болжол менен 10 жыл болду. Мэрия 2019-жылга дизель менен эмес, газ менен жүргөн 60 автобусту сатып алууну пландаштырууда. Муну менен биз жаратылышка зыян келтирүүчү заттарды азайтабыз”, -деп билдирди ал.
Бул боюнча тендерге  катышуу үчүн арыздар 2019-жылдын 11-декабрына чейин кабыл алынат.
60  автобусту сатып алуу үчүн шаардык бюджеттен 380 миллион сомдон ашык суммадагы акча бөлүнгөн. Ал эми 2017-жылы автобустарды сатып алууга 103 миллион сом сарпталган.

Кыргызчалаган:KyrgyzToday

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *