Москвада коронавирус менен ооруган Сонунбү кыздын кыргыздарга кайрылуусу

Иллюстративдүү сүрөт

Россиядагы кыргыз диаспорасынын “портал “KGinfo.ru” уотсап группасы аркылуу, Москвада коронавирус жуктуруп алып, ооруканада жатып, айыгып чыккан эмгек мигранты Сонунбү аттуу кыз биздин мекендештерге кайрылган:

“Абдан туура айтылган сөз. Кыргызстанды сактап калыш үчүн эч кимди өлкөгө киргизбеш керек. Оору азыркы учурда Москвада өтө күчөп турган учур. “Скорыйлар” жетишпей жатат. Мен өзүм көрүп, өзүм даарыланып чыктым. Россияга өтө ыраазы болушубуз керек. Мигрантсын деп бөлмөй жок, бекер даарылап, тамактандырып жатат. Врачтар түнү-күнү оорулар менен алышып жүрүшөт. 2 айдан бери үйлөрүнө бара элек врачтар бар экен.

Коронавирус менен ооруганда тамак жегиң келбейт экен. Жебей койсок тамак таркаткан орус аял ыйлап, бизди урушту: “эмнеге жебейсиңер, силер жакшы болбосоңор биз ушул кийимдин ичинде жүрө беребизби дем албай, балдарыбызды көрө албай”, деп аябай жаман болду. Коронавирус толук жакшы болмойунча Кыргызстанга бир да жаран киргизбесине мен да кошулам. Элиме ыйман, ынсап берсин”, – деп жазган Сонунбү.

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *