Муфтият: 24-майда аянттарда жана мечиттерде айт намазы окулбайт

24-майда, Орозо айт майрамында аянттарда жана мечиттерде айт намазы окулбайт. Бул тууралуу бүгүн, 21-майда Кыргызстан дин башкармалыгын басма сөз кызматы билдирди.

Алардын айтымы боюнча, мындай чечим коронавирустун жайылышын алдын алуу максатында өлкөдөгү эпидемиологиялык кырдаалга байланыштуу кабыл алынган.

“Ошондуктан туура түшүнүү менен кабыл алып, берекелүү Орозо айт майрамын жалпыбыз үй-бүлөбүз менен үйлөрдө майрамдайбыз” – деп айтылат маалыматта.

Муфтий Максатбек Токтомушев 24-май күнү саат 07: 00дөн 07:30га чейин мамлекеттик телеканалда орозо айтка карата куттуктоо жана кайрылуу жасайт.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *