Нариман Түлеев Алмаз Атамбаевге: “Мультимиллионермин деп дайыма мактанчу элеңиз, мамлекетке келтирилген 15 млрд сомдук зыянды төлөп коюп, эркиндикке чыгыңыз”

“Соттун чечимине баа бере албайм, мен буга чейин Атамбаевге жана анын шериктештерине акыйкат соттук териштирүүнү каалайм деп жазгам, эми соттук териштирүү аяктады. Мындай абалды душманыма да каалабайм. Бирок мунун бардыгы Атамбаев жеке өзү ишке ашырган системанын натыйжасы” – деп Бишкектин экс-мэри Нариман Түлеев кечээ, 24-июнда Кыргызстандын мурдагы президенти Алмазбек Атамбаевге карата соттун чечимине комментарий берди.

Ошондой эле, ал соттолуучунун гана эмес, бүт үй-бүлөсүнүн мүлкүн конфискациялоо Кыргызстанда катаал практика болуп калганын жана аны мурдагы президент Алмазбек Атамбаев өзү киргизгендигин айтты.

“Сизде адилеттүү сот системасын, өкмөттү, жакшы экономиканы курууга алты жыл убакыт болду. Бирок сиз бул жылдарды интригага, оппозицияны жана сөз эркиндигин басууга, кадр маселесин жакындарыңыздын пайдасына чечүүгө жумшадыңыз” – деп билдирди Түлеев.

“Менин күнөөм сотто далилденбегенине, кагаздарда жана күбөлөрдүн көрсөтмөлөрүндө далилдердин жоктугуна карабастан,  баары сизден командаңызга шылтап, мэр болгонго чейин эле атамдан мага жана жакындарыма мурас болуп калган мүлктү тартып алууну чечишти. Жада калса, ажырашып кеткен аялымдын да мүлкү конфискацияланган. Бул эч бир мыйзамда каралган эмес. Бирок бул мыйзамсыздыктын бардыгы сиздин сөзүңүздөн улам гана болду. Мен сизге кайрылганымда, “Нариман, жөн эле төлөп бер, анан чыгасың” деп айтышкан. Мен төлөп бердим, бирок сиз каалаганыңыз үчүн эмес, “компания үчүн” соттолгон адамдар мунапыс менен шарттуу түрдө бошотулушу үчүн төлөдүм” – деди Нариман Түлеев.

“Алмаз Шаршенович, азыркы кырдаал жөнүндө мен эмне айта алам. Сиз менен элдер, алардын үй-бүлөлөрү азап чегишти. Мамлекетке келтирилген зыянды төлөп берсеңиз, анда алар өз үй-бүлөлөрүнө кайтып бара алышат.  ЖЭБдин чыгымы 5 миллиард сом, музей боюнча, ипподром ж.б. боюнча келтирилген зыяндын чыгымы 15 миллиард сом болот. Сиз мультимиллионермин деп дайыма мактанчу элеңиз. Көрсөтүлгөн мүлктөн тышкары, камакка алуу учурунда издери жоголгон “кэш” бар болчу. “Күлгүн” пакеттин ичинде эсептер боюнча маалыматтар, ноутбугуңуз жана телефонуңуз бар болгон дейм. Демек, сизде зыянды төлөөгө мүмкүнчүлүк бар, төлөп коюп, эркиндикке чыга бериңиз” – деп билдирди Нариман Түлеев.

Я не могу оценивать решение суда, я уже писал, что желаю Атамбаеву и его сподвижникам справедливого суда и вот суд…

Опубликовано Нариман Тюлеев Среда, 24 июня 2020 г.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *