Kyrgyztoday
Kyrgyztoday » Жаңылыктар » Нарын ОИИБи: Интернет булактарында Кара-Кече филиалы боюнча тараган маалымат чындыкка дал келбейт
Криминалдык хроника жана окуялар

Нарын ОИИБи: Интернет булактарында Кара-Кече филиалы боюнча тараган маалымат чындыкка дал келбейт

Интернет булактарында Кара-Кече филиалы боюнча тараган маалымат чындыкка дал келбейт. Бул тууралуу бүгүн, 7-октябрда Нарын ОИИБдин басма сөз кызматы билдирди.

Маалыматка караганда, интернет булактарына кечээ, 6-октябрь күнү саат 15:00 чамасында Нарын облусунун Жумгал районунда жайгашкан “Кыргыз көмүр” мамлекеттик ишканасынын Кара-Кече филиалын криминалдык авторитет М.Кадыркулов каймана аты “Саяк” уюштурган белгисиз адамдар басып алгандыгы жана кассадан акча каражаттарын алып кетишкендиктери ошондой эле көмүр кесимде көмүрдү белгисиз адамдар эч кандай документи жок, акча төлөбөстөн алып кетип жатышкандыктары маалымдалган.

Аталган факты Жумгал РИИБи тарабынан каттоого алынган.

Азыркы учурда бул факты боюнча Жумгал РИИБнин ыкчам тергөө тобу жеринен текшерүү жүргүзүп, окуя болгон жерден эч кандай кассадан акча каражаттарын белгисиз адамдар алып кетишпегендиктери аныкталган.

Ошондой эле, көмүр кесимге барышкан белгисиз адамдар тарабынан эч кандай документи жок, акча төлөбөстөн көмүр чыгарылгандыгы тастыкталган жок.

Бүгүнкү күндө “Кыргыз көмүр” мамлекеттик ишканасынын Кара-Кече филиалында саясий кырдаал тынч абалда, кызматкерлер күндөгүдөй эле көмүр чыгарышып, көмүргө келген жарандар толук кандуу иш алып жатышат.

   

Токмокто КСДПчы депутат Өмүрбек Бабановдун тарапкерин бычактап салган

Бишкекте сот аткаруучу контрабандалык жол менен ташылып келген 70 тонна өрдөктү жок кылбай, аны 150 миң долларга саткан

19 жаштагы бала Ысык-Көлгө 14 жаштагы жашы жетелек кызды ээрчитип кеткендиги үчүн кылмыш иши козголду