Нарындагы памирлик кыргыздар Ошко көчүрүлөт. Аларга үй курууга бюджеттен 10 млн.сом бөлүндү

Нарындагы памирлик боордоштор Ошко көчүрүп келинет. Бул тууралуу өкмөттүн Ош облусундагы ыйгарым укуктуу өкүлүнүн маалымат кызматынан кабарлашты.

“Кечээ, 21-майда өкмөттүн Ош облусундагы ыйгарым укуктуу өкүлү Узарбек Жылкыбаев Алай районунундагы памирлик кыргыздарга деген үйлөрдүн курулушун баштоо иш-чарасына катышты. Үй курууга республикалык бюджеттен 10 миллион сом каражат бөлүндү. Памирлик кыргыздарга 7 үй курулат. Аталган үйлөргө Нарын облусундагы памирлик кыргыздар көчүрүп келинет”, – деп айтылат маалыматта.

Эскерте кетсек, 2019-жылы Ооган аймагынан 11 үй-бүлө көчүрүп келинген. Алар Сары-Могол айыл аймагындагы мектептин имаратына жайгаштырылган. Тийиштүү тирилик техникасы, шарттар менен камсыз болгон. Өкмөт тарабынан дагы Памирден боордошторду көчүрүп келүү жана турак жай менен камсыздоо пландары коюлган.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *