Назарбаев Түрк дүйнөсүнүн Жогорку ордени менен сыйланды

Казакстандын мурдагы президенти Нурсултан Назарбаев Баку шаарында өткөн Түрк тилдүү мамлекеттердин кызматташтык кеңешине катышты. Саммит учурунда ал Түрк дүйнөсүнүн Жогорку ордени менен сыйланды.

Назарбаев саммитте сөз сүйлөп, кеңештин атын «Түрк мамлекеттеринин уюму» деп өзгөртүүнү сунуштады.

Казакстандык басылмалар билдиргендей, Бакудагы жыйында Назарбаевге «Түрк тилдүү элдердин кеңешинин ардактуу төрагасы» наамы тапшырылды. Назарбаевге бул наамды берүүнү май айында Түркия сунуштаган.

Түрк тилдүү мамлекеттердин кызматташтык кеңеши 2009-жылы түзүлгөн. Ага Азербайжан, Казакстан, Кыргызстан жана Түркия мүчө. Бакуда өткөн саммитте алардын катарына Өзбекстан дагы кошулду.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *