Никки Хейли: Асаддын бийликтен кетиши АКШ үчүн башкы маселеге айланууда

АКШнын сырткы саясатында Сириядагы бийликтин алмашуусу биринчи планга чыгууда. Бул тууралуу Кошмо Штаттардын БУУдагы туруктуу өкүлү Никки Хейли билдирди.

Ал Си-эн-эн телеканалына берген маегинде АКШ үчүн дагы деле «Ислам мамлекети» экстремисттик тобуна каршы күрөшүү башкы маселе экенин, бирок бийликте Башар Асад турганда Сирия жаңжалын жөнгө салуу мүмкүн болбостугун белгиледи.

7-апрелдин таңында АКШ Сирия авиациясынын тынч тургундарга каршы химиялык курал колдонуусуна жооп катары өкмөттүк аскерлердин Шэйрат аскер-аба базасын аткылаган. 9-апрелде Орусия менен Ирандын президенттери Владимир Путин жана Хасан Рухани телефон аркылуу сүйлөшүп, АКШнын бул аракеттерин сынга алышкан.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *