Ноокат районунда жол кырсыгынан 20 жаштагы жигит каза болду

Бүгүн 31-октябрга караган түнү саат 01:30 чамасында Ноокат районунда жол кырсыгы катталып, 1 адам каза болду. Бул тууралуу Ош ОИИБинин жол кыймылынын коопсуздугун камсыздоо бөлүмүнөн билдиришти.

Маалыматка караганда, Ноокат районунун тургуну 20 жаштагы М. у А. «ВАЗ 2107» унаасы менен Оштон Ноокатка бара жатып рулду башкар албай, бетон тосмону сүзүп токтогон. Кырсыктын кесепетинен 3 жүргүнчү жаракат алып Ош шаардык ооруканасына жеткирилип биринчи жардам көрсөтүлгөн. Ал эми айдоочу ооруканага жетпей каза болгон.

Учурда Ноокат РИИБи тарабынан тиешелүү экспертизалар дайындалып, териштирүү иштери жүрүп жатат.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *