Өкмөт башына Узарбек Жылкыбаевди оозансаңар – уят болосуңар!

Соңку жумада саясый топтордун талкуусунда Ош облусунун губернатору Узарбек Жылкыбаевдин аты чыгып, премьер-министрликке таптальш атканы айтылды. Биздин угушубузга караганда, Узарбек өзү түз жүргөн, адамгерчиликтүү жигит катары сыпатталат. Бирок, эң жогорку постту ээлөөгө анын тажрыйбасы жетпей калып, камчы салдырса кантесиңер? Ал 2015-жылы пансионаттын директору болуп жүрүп КСДПдан депутаттыкка секирген, андан соң Ысык-Көл, Ош облустарына губернатор болду. Мамлекеттик кызматтарда тажрыйбасы 4 гана жыл! Мындай «дымак» менен өкмөт башына келүү опурталдуу го? Жылкыбаев эки облусту жетектеген аткаминер катары эмне кылды? Көрүнүктүү иш кылганын көрсөтө алабызбы? Же жеке ишкерлер ачкан ишканалардын лентасын кесүү – ийгиликтин туу чокусу болуп калганбы? Айтор, биз билгенден мамлекеттик машиненин прицебинде жармашып келаткандай элес жаратат. Эгерде өндүрүштөрдү ачууга салым кошсо, сырттан инвестиция тартуу машакатын иш жүзүндө көрсөтсө, анда караңгыдан көз тапкан кадр катары баалайт алек. Тилекке каршы, Узарбек деле көптүн бири эй. Анан болбой эле тек гана көкүрөк кагуу күлкү келерлик көрүнүш!

Булак: «Азия ньюс»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *