Видео – Өлкөдө коронавируска чалдыккан 4 бейтап жандандыруу бөлүмүндө жатат

Бүгүнкү күндө стационарларда 306 бейтап жатат. Бул тууралуу бүгүн, 13-майда КР Саламаттыкты сактоо министринин орун басары Нурболот Үсөнбаев өкмөттүк-онлайн брифингде билдирди.

Анын айтымы боюнча, COVID-19 диагнозу менен ооруканада жаткан 306 бейтаптын ичинде 7 адамдын абалы оор, алардын төртөөсү жандандыруу бөлүмүндө жатат. Ал эми 230 адамдын абалы канаттандырарлык, 70 бейтаптын абалы орточо оор.

Белгилей кетсек, Кыргызстанда 1044 адамдан коронавирус аныкталган. Алардын ичинен 726 адам сакайып, ооруканадан чыгарылган. 12 адам оорудан улам каза болгон.

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *