Орусиялык чиновник балдар порнографиясын тараткандыгы үчүн кармалды

Улуу Новгород администрация башчысынын орун басары, 44 жаштагы Вадим Фадеев бейшембиде балдар порнографиясын таратууга катыштыгы бар деп кармалды. Азыр анын иш бөлмөсүндө тинтүү жүргүзүлүүдө.

Новгород облустук ИИМ башкармалыгынын басма сөз кызматы маалымдагандай, Фадеевге Кылмыш кодексинин 242-беренеси боюнча иш козголду.

Шаардык “Новгород.ру” порталынын маалыматына караганда, аталган аткаминердин иши боюнча операцияны прокуратура 2015-жылдын декабрында баштаган. Мэрдин орун басары социалдык түйүндө башка ысым менен катталып, жарым жыл бою жаш балдар катышкан порнографиялык материалдарды (видеороликтерди) жайылтып келген.

Фадеев шаар администрациясында 2014-жылдан бери билим берүү, маданият жана жаштар саясаты, дене тарбия жана спорт комитеттерин жетектеп келген. Новгород мамлекеттик университетинин “тарых жана социалдык-саясий илимдердин мугалими” адистиги боюнча бүтүргөн.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *