Өзбекстан менен АКШ мажбурлап иштетүүгө каршы туруу боюнча пикир алышты

АКШ Соода өкүлчүлүгүнүн делегаттары Өзбекстандын Эмгек министрлигинин өкүлдөрү менен бирге мажбурлап иштетүү өнөктүгүнө каршы көрүлүп жаткан аракеттер боюнча пикир алышты.

24-июлда өткөн жолугушууга АКШнын мамлекеттик катчысынын Түштүк жана Борбор Азия боюнча жардамчысы Кристофер Уилсон баштаган америкалык аткаминерлер менен Өзбекстан эмгек министри Шерзод Кудбиев жетектеген бийлик өкүлдөрү катышты.

Сүйлөшүүлөр учурунда мажбурлап иштетүү менен андан ары күрөшүү үчүн укук инспекторлорунун санын арттыруу зарылдыгы белгиленди.

Өткөн жылдардагы тажрыйбаларды эске алып, пахта чогултуу учурунда тиешелүү эл аралык уюмдарга Эмгек министрлигине келип түшкөн арыз-даттануулардын базасын көрүүгө мүмкүнчүлүк берилмей болду. Алар министрлик жана жарандык коом менен ачык иш алып барып, мажбурлап ишетүүгө каршы күрөшүүгө макулдашты.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *