Өзбекстан менен Кыргызстан автобус каттамдарын калыбына келтирүү боюнча сүйлөшүүлөрдү жүргүзүп жатат

Бул тууралуу өкмөттүн Жогорку Кеңештеги өкүлү Ашырбек Темирбаев билдирди. Анын айтуусунда азыр Ош-Кокон, Ош-Фергана, Ош-Анжиян, Жалал-Абад, Кызыл-Кыяга автобустардын байланышын калыбына келтирүү маселеси 25-декабрда кыргыз делегациясынын Ташкенттеги сапарында жандуу талкууланды.

Темирбаев келерки жылы жазга жуук Ташкент-Бишкек-Балыкчы темир жол каттамы ачыла турганын кошумчалады.

– Макулдашууга ылайык жумасына бир жолу Ташкент-Балыкчы багыты боюнча Өзбекстан темир жолунун поезди каттай баштайт, – деди ал.

23-декабрдан тартып “Air Manas” компаниясы жумасына эки жолу Бишкек-Ташкент багыты боюнча учак жибере баштады. Ошондой эле бул күнү Ош-Ташкент багыты боюнча учак каттай башталды.

Булак: Борбор Азия жаңылыктар кызматы

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *