Өзбекстанда дене табы жогору абитуриенттер ЖОЖдорго тапшыруу сынактарына катышпайт

Өзбекстанда дене табы 37 градустан жогору болгон абитуриенттер жогорку окуу жайларга тапшыруу сынактарына киргизилбейт. Бул тууралуу президенттик администрациянын алдындагы Маалымат жана массалык коммуникация агенттиги билдирди.

Дене табы жогору абитуриенттерге карата Санитардык-эпидемиологиялык агенттиктин, Саламаттык сактоо министрлигинин жана Мамлекеттик тестирлөө борборунун кызматкерлеринин катышуусунда акт түзүлүп, медициналык текшерүүдөн өткөрүлөт.

Текшерүүнүн жыйынтыгында коронавирус аныкталбаган абитуриенттер сынакты Республикалык тестирлөө толук аяктагандан төрт күн өткөндөн кийин тапшыра алышат.

Акыркы маалыматтар боюнча Өзбекстанда COVID-19 жуктургандардын саны 7813 кишиге жетип, 21 бейтап каза болду.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *