Өзбекстанда он миң аскер кызматкери пахта терүүдө

Талааларда пахта дээрлик жок калганына карабастан, Өзбекстан Куралдуу күчтөрүнүн оң миңге жакын аскери Сырдарья облусунун Акалтын районунда ак була терүүсүн улантышууда. Бул тууралуу жергиликтүү акимчиликтин кызматкери кабарлады.

Анын айтымында, алардын арасында бир айлык, бир жана беш жылдык мөөнөттөргө түзүлгөн келишимдин негизинде аскерге келген жоокерлер дагы бар.

Бухарадагы аскер бөлүктөрүнүн биринде кызмат өтөп жаткан жоокерлердин бири алар 20-сентябрдан бери пахта теримде жүрүшкөнүн билдирди. «Бизге 5-декабрга чейин пахта тере тургандыгыбызды айтышты. Азыр күн салкын, талааларда пахта дээрлик калбай калды. Бир күн бою ар бирибиз болгону 2-3 гана килограммдан сапатсыз пахта терип жатабыз. Бул жерде убактыбыз бекер өтүүдө. Азыр аскердик даярдыктан өтсөк жакшы болмок», – деди жоокер.

Өзбек Коргоо министрлигинин маалыматы боюнча жыл сайын өлкөдө 30-35 миң жигит милдеттүү түрдө аскер кызматына чакырылып турат. Учурда Өзбекстан Куралдуу күчтөрүнүн саны болжол менен 48 миңди түзө турганы айтылууда.

Булак: “Борбор Азия жанылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *