Песков: Кремль Кадыровдун интернет колдонуучуларды «өлтүрүү» чакырыгын текшербейт

Орусия президенти Владимир Путиндин басма сөз катчысы Дмитрий Песков Кремль Чеченстандын башчысы Рамзан Кадыровдун интернет колдонуучуларды «өлтүрүү» тууралуу билдирүүсүн текшербей турганын айтты.

5-ноябрда Кадыров аймактын өкмөт жыйынында «ынтымакты бузуп, ушак-айың жана бөлүп-жаруу менен алектенгендерди «өлтүрүп, камап, коркутуп токтотуу керектигин» айткан.

— Мындан башка аракеттерден майнап чыкпайт. Атайын кызматтар, полиция, жергиликтүү бийлик өкүлдөрү жана коомдук уюмдар интернетте адамдын «кадыр-баркына шек келтиргендерди» аныктап, мыйзамга каршы келсе дагы алардын артынан түшүүсү керек, — деп билдирген Кадыров.

Песков Кадыровдун айткандарына укук коргоо органдары баа бериши керектигин белгилеп, бирок анын сөздөрүнүн чечен тилинен котормосу туура экенинен шек санап жатканын билдирди:

— Мен ал жыйындагы стенограмманын түп нускасын, Кадыровдун айткан сөздөрүнүн көчүрмөсүн окуган жокмун. Анын айткандарын биринчилерден болуп жарыялаган Би-Би-Синин котормосунун туура экенинен шегим бар. Мен аны алгачкы булак деп эсептей албайм. Кадыровдун мындай билдирүүсү тууралуу бизде маалымат жок, — деди Песков.

«Настоящее Время» телеканалынын чечен тилин жакшы билген журналисттери Чеченстан башчысынын сөздөрү туура которулганын ырасташты.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *