Kyrgyztoday
Kyrgyztoday » Жаңылыктар » Расмий президенттик кызматка киришкен Зеленский өлкө парламентин тарката турганын билдирди
Дүйнө жүзүндө Саясат

Расмий президенттик кызматка киришкен Зеленский өлкө парламентин тарката турганын билдирди

Владимир Зеленский бүгүн Жогорку Раданын салтанаттуу жыйынында Украинанын президенти катары ант берди. Андан соң Мариинск паркына барып, Украинанын куралдуу күчтөрүн кабыл алуу жана мамлекеттик тууну көтөрүү салтанатына катышты.

Салтанаттуу иш-чарага Латвия, Литва, Эстония, Грузия жана Венгриянын президенттери катышты. АКШнын делегациясын өлкөнүн энергетика министри Рик Перри баштап келди. Зеленскийдин инаугурациясына Виктор Януковичтен башка өлкөнүн бардык мурдагы президенттери чакырылган. Орусиянын өкүлдөрүнө чакыруу жөнөтүлгөн эмес.

Рададагы сөзүндө Зеленский Украина парламентинин азыркы курамын тарката турганын билдирди.

41 жаштагы актер жана куудул Зеленский 21-апрелде өткөн президенттик шайлоонун экинчи турунда Украинаны соңку беш жылдан бери башкарып келген Петр Порошенкону жеңип чыккан. Ал жалпы добуштардын 73,22 пайызын, атаандашы 24,45 пайызын алган.

Булак: “Борбор Азия жаңылыктар кызматы”

Япониядагы кыргыз элчиси Мирлан Арстанбаев «Санариптик коомду илгерилетүү» уюмунун төрагасы Сожи Сузуки менен жолугушту

Япониядагы круиздик лайнердеги карантин аяктады

Япониядагы круиздик кемедеги кыргызстандыктан коронавирус табылды