Kyrgyztoday
Kyrgyztoday » Жаңылыктар » Садыр Жапаров Аида Касымалиеваны коркутуулар боюнча: Бизге каршы экинчи күчтөр иштеп, мени УКТ менен байланыштырууга аракет кылып жатышат
Саясат

Садыр Жапаров Аида Касымалиеваны коркутуулар боюнча: Бизге каршы экинчи күчтөр иштеп, мени УКТ менен байланыштырууга аракет кылып жатышат

“Сиз премьер-министрликке талапкер катары бир дагы жолу чыгып элди тынчтандырып, агрессияны жоюп, тарапташтарыңызга кайрылып койгон жоксуз. Эмнеге?” –  деп сурады бүгүн, 14-октябрда ЖКнын жыйынында вице-спикер Аида Касымалиева премьер-министрликке талапкер Садыр Жапаровдон.

Аида Касымалиева, буга чейин ага, Жогорку Кеңештин Аппаратынын юристтерине “ЖКнын 10-октябрдагы токтомуна кол кой” деп коркутуулар болгонун белгиледи.

Садыр Жапаров азыр интернеттин заманы экенин, Кыргызстанда 6,5 млн эл бар экенин, анын барын тыя албай турганын билдирди.

“Бизге каршы экинчи күчтөр иштеп, мени жаман көргөзүш үчүн “криминал менен жолукту” ж.б. деп жазып жатышат. Андайга ишенбеңиздер, андай болгон жок” – деп жооп берди.

Белгилей кетсек, кечээ Аида Касымалиева 3 күндөн бери “үйүңө келип өрттөп кетебиз, талкалайбыз, сени зордуктайбыз” деген коркутуулар болуп жатканын айткан.

Япония Тажикстанга көзөмөл өткөрүү пунктун куруп берди

Япония орус жарандары үчүн визасыз режим киргизет

Япон агенттиги Талас-Тараз автожолундагы Үйүрмарал суусунан өткөн көпүрөнү курууга гранттык каражат бөлөт