Саламаттык сактоо министрлигинен уурдалган миллиондор ачыкталды

Саламаттык сактоо министрлиги медициналык мекемелериндеги каржылык текшерүүнүн жыйынтыгында 44,5 млн. сомдук бюджеттик акча уурдалганы аныкталганын жарыялады. Бул боюнча тиешелүү материалдар укук коргоо органдарына тапшырылган. Министрликтин коомдук кеңеши болсо ички аудиттен сырткары эсеп палатасынын буга чейинки жылдык текшерүүлөрүндө жүз миллион сомдон ашуун каражат жең ичинен желип кеткен учурлар болгону менен, зыяндын орду толтурулбай келатканын билдирди. Саламаттык сактоо министрлиги биринчи жолу ички аудиттин жыйынтыгын ачык жарыялап, министр өзү эң көп акча уурдалган мекемелерди атады. Ал бул жолу каржылык мыйзам бузууга жол берген жетекчилер кызматтан гана айдалбастан, зыяндын ордун төлөтүү чаралары күчөтүлө турганын убада кылды.

Булак: “Азия Ньюс”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *