Саламаттыкты сактоо министринин орун басары, башкы мамлекеттик санитардык дарыгер болуп дайындалган Нурболот Усенбаевдин эмгек жолу

Усенбаев Нурболот Төлөшевич Саламаттыкты сактоо министринин орун басары, башкы мамлекеттик санитардык дарыгер болуп дайындалды. Тийиштүү буйрукка бүгүн, 9-апрелде премьер-министр Мухаммедкалый Абылгазиев кол койгон.

Саламаттыкты сактоо министрлиги Үсөнбаевдин резюмесин таратты:

Усенбаев Нурболот Төлөшевич 1962-жылы 23-апрелде Фрунзе шаарында төрөлгөн.

Жогорку билимдүү. 1985-жылы Кыргыз мамлекеттик медициналык институтун санитардык дарыгер адистиги боюнча аяктаган.

Эмгек ишмердиги:

– 1985-1986-жылдары – Кыргыз медициналык институтунун эпидемиология кафедрасында ассистент;

– 1986-1992-жылдары – дарыгер-эпидемиолог, Жети-Өзгүз райондук санэпидстанциянын эпидемиология бөлүмүнүн башчысы;

– 1992-1998-жылдары – Ысык-Көл облусунун Тоң райондук санэпидстанциянын башкы дарыгери;

– 1998-1999-жылдары – Саламаттыкты сактоо министрлигинин Мамлекеттик санитардык-эпидемиологиялык көзөмөл департаментинин эпидемиология бөлүмүнүн башчысы;

– 1999-2002-жылдары – Саламаттыкты сактоо министрлигинин Мамлекеттик санитардык-эпидемиологиялык көзөмөл департаментинин эпидемиологиялык көзөмөл башкармалыгынын башчысы;

– 2002-2006-жылдары – Мамлекеттик санитардык-эпидемиологиялык көзөмөл департаментинин башкы директорунун орун басары;

– 2006-2012-жылдары – СПИД, кургак учукка каршы күрөшүү боюнча глобалдык фонддун долбоорнун менеджери;

– 2012-2013-жылдары – Мамлекеттик санитардык-эпидемиологиялык көзөмөл департаментинин мониторинг жана баалоо бөлүмүнүн башчысы;

– 2013-2014-жылдары – Мамлекеттик санитардык-эпидемиологиялык көзөмөл департаментинин директорунун орун басары;

– 2014-2015-жылдары – Карантиндик жана өтө кооптуу жугуштуу оорулар боюнча борбордун жетекчиси;

– 2016-жылдын апрель айынан баштап 2020-жылга чейин – Карантиндик жана өтө кооптуу жугуштуу оорулар боюнча республикалык борбордун директорунун орун басары.

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *