Салык кызматы этил спиртин жана алкоголдук продукцияны өндүрүүгө жана жүгүртүүгө лицензия бере баштады

Мамлекеттик салык кызматы этил спиртин жана алкоголдук продукцияны өндүрүүгө жана жүгүртүүгө лицензия бере баштады. Бул тууралуу ведомствонун басма сөз кызматы бүгүн, 11-февраль күнү билдирди.

Өкмөттүн 2020-жылдын 24-январындагы № 30 токтому менен этил спиртин, алкоголдук продукцияны өндүрүүгө жана жүгүртүүгө, ошондой эле алкоголдук продукцияны сатууга лицензия берүү боюнча ыйгарым укуктуу мамлекеттик орган болуп аныкталды.

Бул чечимге ылайык Салык кызматы этил спиртин өндүрүүгө жана жүгүртүүгө, алкоголдук продукцияларды өндүрүүгө жана жүгүртүүгө (өндүрүү же сатуу максатында сактоого, дүң жана чекене сатууга) лицензия бере баштайт.

Белгилей кетсек, 2019-жылдын аягында Мамлекеттик салык кызматына Кыргыз Республикасынын Айыл чарба, тамак-аш өнөр жайы жана мелиорация министрлигинин этил спиртин, алкоголдук жана спирттүү продукцияны өндүрүүнү жана жүгүртүүнү мамлекеттик жөнгө салуу жана контролдоо функциялары өткөрүлүп берилген.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *