Сапар Исаков Токмок шаарынын борбордук базарына барды

Сапар Исаков 16-сентябрда, Чүй облусуна болгон жумуш сапарынын алкагында Токмок шаарынын борбордук базарына барды. Бул туурасында өкмөттүн расмий сайты жарыялады.

Өкмөт башчы борбордук базарындагы соодагерлер, шаар тургундары менен да баарлашты. Жергиликтүү калк инфраструктуралык жана социалдык маселелерди көтөрүшүп, суроолоруна жеринде жооп ала алышты жана Токмок шаарынын мэрине козголгон маселелелер боюнча тактап, чечүүнү тапшырды.

Премьер-министр бул багытта Өкмөттүн аймактарды өнүктүрүү программасы кабыл алынып, баардык облустарды өнүктүрүү пландары ишке ашарын билдирди.

Сапар Исаков ошондой эле Ысык-Ата районун Буденный айылынын тургуну, экинчи топтогу майып Кылычбек Мундузбаевдин үйүнө барып анын ден-соолугунан, үй-бүлөсүнөн кабар алып, материалдык жардам көрсөттү.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *