Шавкат Мирзиёев президенттике талапкер катары бекитилди

Өзбекстандын Либерал-демократиялык партиясы шаршембиде өткөн съезде президенттин милдетин аткаруучу, премьер-министр Шавкат Мирзиёевди президенттике талапкер кылып бекитти. Бул тууралуу РИА Новостиге партиянын өкүлдөрү билдирди.

Шавкат Мирзиёевдин талапкерлиги бир добуштан жактырылды. Жакынкы күндөрү партия ал жөнүндөгү маалыматты БШКга жолдойт. Андан соң Мирзиёев каттоодон өтөт.

Өлкө мыйзамдарына ылайык, талапкерди каттоо үчүн партия БШКга жалпы шайлоочулардын 1% кем эмесинин (214,35 миң киши) колу коюлган баракты тапшырышы керек. Каттоо 30-октябрда бүтөт.

БШК 23-сентябрда өлкөдө катталган төрт саясий партияны тең Өзбекстан президентин шайлоого катыштыруу боюнча чечим кабыл алды. Өткөн аптада Улуттук демократиялык «Миллий тикланиш» (Улуттук кайра жаралуу) партиясы парламенттин төмөнкү палатасынын төрагасынын орун басары Сарвар Отамурадовдун талапкерлигин бекитти. Бул арада Өзбекстандын Улуттук демократиялык партиясы– Хотамжон Кетмоновду жана «Адолат» социал-демократиялык партиясы– Наримон Умаровдун талапкерлигин жылдырды.

Булак:  “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *