Сирияда ирандык кол башчылардын бири окко учту

Иран медиасы Сирияда Ислам революциясын коргоо корпусунун кол башчыларынын бири каза тапканын билдирди. Иран куралдуу күчтөрүнүн элиталык аскерлери Сирия президенти Башар Асаддын бийлигин колдоп согуш талааларында жүрөт.

Иран офицери “Ислам мамлекети” террордук тобунун жоочулары менен кармашта мерт болгон.

Fars агенттиги 19-ноябрда маалымдагандай, Хайрулла Самади сирия-ирак чек арасына жакын Абу-Кемаль шаарындагы согуш учурунда окко учкан.

2016-жылы ирандык Азап чегүүчүлөр фонду Тегерандын буйругу менен Сирияга барган миңден ашуун аскер өлгөнүн кабарлаган. Алардын арасында кол башчылар дагы бар.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *