“Сойкулукка мажбурланган” деген жабырлануучу 16 жаштагы кыздын апасына коркунуч жаралды 

Бишкекте “сойкулукка мажбурланган” деп айтылган 16 жаштагы кыздын апасына белгисиз бирөөлөр барып, коркуткан. Бул тууралуу Ленин РИИБдин басма сөз кызматы бүгүн, 28-январда билдирди.

Алардын билдирүүсүнө караганда, кечээ, 27-январда К.А. (жабырлануучу өспүрүм кыздын апасы) милицияга кайрылып, 26-январда, саат 18:00 чамасында Ысык-Көлдөгү Ак-Суу районунда жайгашкан үйүнө белгисиз адамдар барып, коркутуп, кызын “сойкулукка мажбурлаган” деп арызды алууну талап кылышкан. Бул факт каттоого алынып, Ак-Суу РИИБге берилген.

Эске сала кетсек, былтыр, 21-ноябрда К.А. аттуу аял арыз менен милицияга кайрылган. Анын арызында, психикалык жактан жабыркаган 2003-жылы туулган Р.Н. аттуу жээнине күч колдонуп, анын каршылыгына карабай сойкулук менен алектенгенге мажбурлаган чала таанышына чара көрүүнү суранганы жазылган. Бул факт катталып, ага шектүү катары үч аял: 1996-жылы туулган К.А., 1987-жылы туулган Н.М., 1996-жылы туулган Д.З. кармалып, убактылуу кармоочу жайга киргизилген. Шектүүлөр сотко чейинки өндүрүш иштин алкагында 2 ай камакта болушат.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *