Сокулук районунда жыйырма кой уурдап кеткен жаран кармалды

2017-жылдын 4-декабрь күнү Сокулук районунун ички иштер бөлүмүнө Биринчи Май айылынын 54 жаштагы У.Л. аттуу жашоочусу арыз менен кайрылып, үстүбүздөгү жылдын 3-декабрдан 4-декабрга караган түнү арыз ээсинин сарайына белгисиз адамдар киришип, 20 баш коюн уурдап кетишкенин билдирген. Бул туурасында Чүй ОИИББнин Басма сөз кызматы билдирет.

Бул окуя боюнча Сокулук районунун ИИБнин тергөө кызматы тарабынан Кыргыз Республикасынын кылмыш-жаза кодексинин 165-беренеси (Мал уурдоо) боюнча кылмыш иши козголгон.

“Каракчы” аталышындагы рейд учурунда Сокулук районунун ИИБнин кызматкерлери тарабынан жогорудагы мал уурдоого шектелип, Сокулук айылынын 30 жаштагы Ч.Б. аттуу тургуну кармалып, Сокулук районунун ИИБнин убактылуу кармоочу жайына камакка алынган. Учурда тергөө иштери жүргүзүлүүдө.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *